Wednesday 13 May 2020

do potaci


Co te resta un fiantin de cołor dopo ver piturà chelcossa de sòłito, par no butar via tuto, foo do spenełae inte un fojo, justo par xogar na scianta col penel.
Vien fora senpre chelcossa che, sol momento, el me par poco interessante: do spigassi cołorai, do potaci sensa nessun vałor.

Ma chealtro di go catà inte un libreto sti do dexegneti qua. No xe che i sie łe mejo ópere che gapie mai fato in vita mia, ma go da rivałutar tuti sti łavori fati in do segondi, parché, a distansa de tenpo, desementegàndome che i xe dexegni mii, go da ameta che i manifesta chelcossa de fortemente espressivo. I ga na forsa insoma.
Ve i meto qua soło par darghe un posto inte łe me esplorassion creative a 360 grai. 



E vedemo cossa che ghe'n vegnarà fora pi vanti, da sti cołori.
Ciao

No comments:

Post a Comment

Note: only a member of this blog may post a comment.