Project: Bronsa Descuerta - Rap
EL VEEN CHE INVEENEA
Verxi chee rece che si no te e spaco a tochi
Go chelcossa da dirte e sarà mejo che te me scolti
Mi sparo paroe che e xe come canonae
come cani salvàreghi che i te mòrsega so a goła!
No te piaxe quel che dixo? no go gnanca scumisià
No te sa quel che vien vanti? suito te o descuerxarà!
e me rime e xe de fogo e e te fulminea de colpo
come scosa de corente che a te para in ospeal!
Sbrego come na manera, sbuxo come na trivea,
in do e do quatro te si in tera, destirà so na barea!
a me léngua a 'e un fuminante, el to odio el xe benxina,
se te resti qua na scianta, mi te inpiso a diavoina!
Mi sto ritmo te o go fato par sburatar el servel
co'l te va rento intea testa el bate pexo de un martel
el te fa sciopar neuroni, el te sverxe fin e buee
el te sfrégoła i pensieri e el te inpira nove idee!
Situ drio ronparme e bae? vatu in serca farme mal?
Spuitu sora e me paroe soło parché no e xe italian?
Verxi i oci, insemenio: mi parlo come che vui!
No te còmoda sta storia? quea a xe a porta: movi el cul!
Mi no go mia paroni!
Mi no sbaso mai a testa!
Mi spuo fogo co a me léngua
e ogni son el ciama tenpesta!
(Mmmm)
Co ste paroe mi te foo sciopar!
Co ste paroe mi te foo sciopar!
Co ste paroe mi te foo sclerar!
Co ste paroe mi te foo sparir!
Co a me xente se capimo
ti te pol anca bruxarte
A me léngua a xe na bonba
a sciopa, a schinsa e a bruxa a mente!
Mi e paroe e vien da rento
Da sto cuor che'l tonedea,
E co e te mòrsega sol col
e xe veen che el te inveenea!
El me veen el te inveenea!
El me veen el te inveenea!
El me veen el te inveenea!
Me fradei i xe de sàngue, no inporta ndoe che i 'e nassui:
Mi no meto mia confini, da mi i 'e tuti benvegnui!
Mi no parlo de Europei, de Africani o de Sigagni,
Semo tuti de sto mondo: qua semo tuti conpagni!
Ti ditu che i 'è foresti? Qua foreste e xe e to idee!
Te credeitu esar mejo? Fame un fià capir parché!
A única rasa che òdio a xe quea de i insemenii
che i se pensa superiori, ma i xe soło rincojonii!
Se mi scrivo e me canson uxando a léngua de a me xente,
xe parché no go vergogna e no me ne ciava gnente!
Son qua che mi son nassuo! e xe ste qua e me raixe!
El me cuor l'e de sta tera anca se go fato e vaixe!.
Pero desso scolta puito che no te 'a capio gnoncora:
Che mi dopare a me léngua no vol dir che odio quei da fora!
E no vol dir che a me mente a 'e seraa rento de un buxo!
Mi no son incaenà a na tera! Sì, a me patria a 'e da par tuto!
El me cuor no'l ga frontiere! No meto confini a e idee,
i me pie i gira pal mondo, ma i me límiti i xe e stee!
Mi no go soło na bandiera: ghe ne 'o una, sento, mie!
Mi no nego e me raixe, ma me e porto via co mi!
Mi no go mia paroni!
Mi no sbaso mai a testa!
Mi spuo fogo co a me léngua
E co a me voxe a ciama tenpesta...
(Mmmm)
Co ste paroe mi te foo sciopar!
Co ste paroe mi te foo sciopar!
Co ste paroe mi te foo sigar!
Co ste paroe mi te foo morir!
Co a me xente se capimo
Ti te pol anca bruxarte!
A me léngua a xe na bonba
A sciopa a sverxe e a sbrega a mente!
E paroe e me vien da rento
Da sto cuor che'l tonedea
e co e te mòrsega sol col
e xe veen che'l te inveenea!
El me veen el te inveenea!
El me veen el te inveenea!
El me veen el te inveenea!
No comments:
Post a Comment
Note: only a member of this blog may post a comment.